මෘදුකාංග ඉංජිනේරුවන් සඳහා බදු මාර්ගෝපදේශය — YA 2025-26 | දේශීය, විදේශීය සහ Freelance ආදායම්

English version → · සිංහල

ශ්‍රී ලංකාවේ මෘදුකාංග ඉංජිනේරුවෙකුගේ බදු වගකීම ඔහු හෝ ඇය ආදායම උපයන ආකාරය අනුව වෙනස් වේ. ඔබ දේශීය සමාගමක සේවය කරනවාද, විදේශීය සමාගමකට remote ලෙස සේවය කරනවාද, නැතිනම් Freelancer කෙනෙකු ලෙස වැඩ කරනවාද යන්න අනුව අදාළ වන බදු ක්‍රමය වෙනස් විය හැක. එම නිසා ඔබේ ආදායම නිවැරදි කාණ්ඩයට වෙන් කිරීම ඉතා වැදගත්. YA 2025-26 (2025 අප්‍රේල් 1 සිට 2026 මාර්තු 31 දක්වා) සඳහා වැදගත් කරුණු මෙන්න.

ඔබේ ආදායම අනුව බදු අදාළ වන ආකාර 4ක්

1. දේශීය සමාගමක සේවකයෙකු — ශ්‍රී ලංකාවේ payroll එක යටතේ සේවය කරන අතර, සමාගම විසින් APIT අඩු කර IRD වෙත ගෙවනු ලැබේ. වසර අවසානයේ T10 සහතිකයක් ලැබේ.
2. විදේශීය සමාගමක Remote සේවකයෙකු — විදේශීය සමාගමක් සඳහා ශ්‍රී ලංකාවේ සිට වැඩ කරන අතර, වැටුප විදේශ මුදලින් ශ්‍රී ලංකාවේ බැංකු ගිණුමකට ලැබේ. සුදුසු කොන්දේසි සපුරාලන්නේ නම් APIT Table 8 යටතේ බදු අනුපාතය 15% දක්වා සීමා විය හැක.
3. Freelancer / Consultant — Upwork, Fiverr, Toptal වැනි platforms හරහා හෝ සෘජුවම සේවාදායකයන්ට සේවා සපයයි. සුදුසු කොන්දේසි සපුරාලන්නේ නම් විදේශ සේවා ආදායමට 15% concession අදාළ විය හැක. දේශීය සේවාදායකයන්ගෙන් ලැබෙන ආදායමට සාමාන්‍ය බදු අනුපාත (up to 36%) අදාළ වේ.
4. Limited සමාගමක හිමිකරු — ඔබට අයත් Pvt Ltd සමාගමක් හරහා ඔබේ සේවා සපයයි. මෙහිදී සමාගමට අදාළ Corporate Tax සහ ඔබට ලැබෙන වැටුප හෝ ලාභාංශ මත අදාළ වන පුද්ගලික බදු ලෙස බදු මට්ටම් දෙකක් ඇති විය හැක.

YA 2025-26 සඳහා වැදගත් බදු සංඛ්‍යා

• පුද්ගලික සහනය: වසරකට රු. 1,800,000 — මෙම මුදල බදු අය කළ හැකි ආදායම ගණනය කිරීමේදී සහනයක් ලෙස අදාළ වේ.
• සාමාන්‍ය බදු අනුපාත: පළමු රු. මිලියන 1 සඳහා 6% සිට 18%, 24%, 30% සහ 36% දක්වා ආන්තික බදු අනුපාත අදාළ වේ.
• විදේශ සේවා ආදායම සඳහා concession: පළමු රු. මිලියන 1 සඳහා 6% සහ ඉන් පසු ඉතිරි ආදායම සඳහා 15% බදු අනුපාතය අදාළ විය හැක (අදාළ කොන්දේසි සපුරාලන්නේ නම්).
• බැංකු පොලී මත WHT: 10% අඩු කරනු ලැබේ — Annual Tax Return එකේදී මෙම මුදල tax credit එකක් ලෙස සලකා ගත හැක.

15% concession — අවශ්‍ය කොන්දේසි

Scenario 2 හෝ Scenario 3 යටතේ 15% concession ලබා ගැනීමට පහත කොන්දේසි සියල්ල සපුරාලිය යුතුය:

1. සේවාව ශ්‍රී ලංකාවෙන් පිටත භාවිතා විය යුතුය. එනම්, ඔබ සපයන සේවාවෙන් ප්‍රතිලාභ ලබන්නේ විදේශීය සේවාදායකයා වන අතර, එය ශ්‍රී ලංකාවේ සේවාදායකයෙකු සඳහා සපයන සේවාවක් නොවිය යුතුය.
2. ගෙවීම විදේශ මුදලින් ලැබී ශ්‍රී ලංකාවේ බැංකු ගිණුමකට බැර විය යුතුය. ඒ සඳහා inward remittance advice වැනි අදාළ බැංකු ලේඛන සුරක්ෂිතව තබා ගන්න.
3. අදාළ බදු වර්ෂය සඳහා ඔබ ශ්‍රී ලංකාවේ tax resident කෙනෙකු විය යුතුය.

බදු ගණනය කිරීමේදී බොහෝ දෙනා කරන පොදු වැරදි

1. PayPal හි මුදල් පමණක් තබා ගැනීම. PayPal ගිණුමේ ඇති මුදල් පමණක් තිබීමෙන් ශ්‍රී ලංකාවේ බැංකු ගිණුමකට මුදල් ලැබී ඇති බවක් අදහස් නොවේ. එබැවින් අදාළ බැංකු ලේඛන සහ inward remittance පිළිබඳ සාක්ෂි සුරක්ෂිතව තබා ගැනීම වැදගත්ය.
2. විදේශීය සමාගමක් සඳහා වැඩ කළත්, සේවාව ශ්‍රී ලංකාවේ භාවිතා වීම. ඔබ විදේශීය සමාගමකට සේවය කළත්, ඔබ සපයන සේවාව අවසානයේ ශ්‍රී ලංකාවේ එම සමාගමේ operation එකක් හෝ ශ්‍රී ලංකාවේ ගනුදෙනුකරුවන් සඳහා භාවිතා කරන්නේ නම්, “සේවාව ශ්‍රී ලංකාවෙන් පිටත භාවිතා වේ” යන කොන්දේසිය සපුරාලන්නේ නැති විය හැක. එවැනි අවස්ථාවක සාමාන්‍ය බදු අනුපාත අදාළ විය හැක.
3. Contract රැකියාව සහ Freelancer ආදායම එකම දෙයක් නොවේ. ඔබ Freelancer/Contractor කෙනෙකු ලෙස සේවා සපයා invoice කරන්නේ නම්, Scenario 3 අදාළ විය හැක. ඔබ සේවකයෙකු ලෙස payroll එකට ඇතුළත් කර තිබේ නම්, වෙනත් බදු නීති අදාළ විය හැක. එම නිසා ඔබේ contract එක සහ ගෙවීම් සිදුවන ආකාරය නිවැරදිව හඳුනා ගැනීම වැදගත්ය.
4. සමාගමක් ලියාපදිංචි කළ පමණින් බදු අඩු වන බව උපකල්පනය කිරීම. ඔබේ ආදායම් මට්ටම, ව්‍යාපාර වියදම් සහ ඔබට මුදල් ලබා ගන්නා ආකාරය අනුව පුද්ගලිකව Freelancer කෙනෙකු ලෙස බදු ගෙවීම සහ සමාගමක් හරහා බදු ගෙවීම අතර වෙනසක් ඇති විය හැක. ඒ නිසා සමාගමක් පිහිටුවීමට පෙර සම්පූර්ණ බදු බලපෑම සලකා බැලීම වැදගත්ය.

බදු ගෙවීම් සහ Return Filing දින

• මාසිකව (Scenario 2 සහ 4): APIT / self-remit — අදාළ මාසයට පසු එළඹෙන මාසයේ 15 වන දිනට පෙර.
• කාර්තුමය (Scenario 3, YA 2025-26): SET instalment ගෙවීම් — අගෝස්තු 15, නොවැම්බර් 15, පෙබරවාරි 15 සහ මැයි 15. YA 2026-27 සිට SET අහෝසි කර ඇත. සම්පූර්ණ විස්තර මෙතනින් බලන්න.
• 2026 සැප්තැම්බර් 30: YA 2025-26 සඳහා අවසන් බදු ගෙවිය යුතු දිනය.
• 2026 නොවැම්බර් 30: YA 2025-26 සඳහා Annual Tax Return ඉදිරිපත් කළ යුතු අවසන් දිනය.

මෙය මෘදුකාංග ඉංජිනේරුවන් සඳහා YA 2025-26 බදු නීති පිළිබඳ කෙටි මාර්ගෝපදේශයකි. සම්පූර්ණ worked examples, deductible expenses, FAQ සහ අදාළ නීතිමය references සඳහා සම්පූර්ණ English article එක බලන්න.

ඔබට අදාළ වන්නේ කුමන tax scenario එකද, ඔබේ බදු වගකීම කොපමණද, හෝ ඔබේ ආදායමට 15% concession අදාළ වේද යන්න පිළිබඳව සැකයක් තිබේ නම් අප සමඟ කතා කරන්න. ඔබේ තත්ත්වය සලකා බලා නිවැරදිව බදු ගණනය කර නියමිත deadline එකට පෙර filing කිරීමට අපි ඔබට සහාය වන්නෙමු.

මිනිත්තු 2කින් ඔබේ බදු ගණනය කර බලන්න — ERPA Tax Calculators →